Castellano
Detalle trámite
Solicitude de participación na XIII edición do Premio Auditorio de Galicia para Artistas noveis 2023
Non hai convocatorias abertas actualmente
O Auditorio de Galicia, que ten encomendada a actividade cultural do Concello de Santiago de Compostela, convoca a décimo terceira edición do Premio Auditorio de Galicia para artistas noveis 2023 co obxectivo de fomentar os valores culturais, promocionar e incentivar a creación e apoiar a difusión das súas obras.
O Auditorio de Galicia é consciente da amplitude do mundo da arte, mais, e unicamente pola necesidade de delimitar o perfil do premio, dirixe esta convocatoria ao ámbito autonómico e a artistas cuxa traxectoria non está aínda consolidada, para acreditar o seu talento e contribuír ao enriquecemento e á difusión da creación contemporánea e ao patrimonio cultural galego.
Poderán participar artistas que nacesen ou residan en Galicia e sexan menores de 40 anos o 31 de decembro de 2023. A participación poderá ser individual ou como colectivo. Neste último caso todos os membros do colectivo deberán cumprir estes requisitos.
As solicitudes presentaranse de xeito telemático na sede electrónica do Auditorio de Galicia, https://sede.compostelacultura.gal . A presentación por este medio producirá plenos efectos xurídicos, sempre que a solicitude sexa presentada dentro do prazo establecido e na plataforma citada. Non se terán en conta as solicitudes presentados noutros rexistros.
PRAZO DE ENVÍO DE SOLICITUDES
Dende o 19 de Maio ata o 6 de outubro de 2023.
Cada artista ou colectivo participante deberá achegar, xunto coa solicitude e a través da mesma sede electrónica, a seguinte documentación en formato dixital e pola orde indicada:
- Solicitude de participación.
- Copia do NIF ou documentación acreditativa da residencia en Galicia, só en caso de que no documento de identidade figure un lugar de nacemento de fóra de Galicia.
- Proxecto da obra que se presenta. Documento pdf que non exceda das 5 páxinas. Debe conter os seguintes apartados por esta orde:
- Ficha técnica
- Nome artístico ou pseudónimo co que desexa figurar.
- Título da obra, data, técnica e medidas.
- Fotografía(s), bosquexo ou reprodución gráfica da obra. No caso de videocreacións deberá inserirse unha ligazón onde poder visualizar a obra.
- Texto explicativo da obra non superior ás 20 liñas e preferentemente en galego (o Auditorio reserva o dereito de reprodución).
- Currículo resumido, redactado desde a última experiencia cara a atrás no tempo e que non exceda das 20 liñas (preferentemente en galego).
- Valoración económica da obra para os efectos do seguro de estancia.
- Ficha técnica
- Expediente artístico: cómpre achegar un expediente artístico resumido con fotografías doutras obras ou información sobre os traballos, que non exceda das 10 páxinas.
-
Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia.
-
Lei 9/2007, do 13 de xuño, de Subvencións de Galicia.
-
Real Decreto 887/2006, de 21 de xullo, polo que se aproba o Regulamento da Lei 38/2003, de 17 de novembro, xeral de subvencións.
-
Lei 38/2003, de 17 de novembro, Xeral de Subvencións.
Nome: Solicitude de participación na XIII edición do Premio Auditorio de Galicia para Artistas noveis 2023
Unidade tramitadora: Auditorio de Galicia.
Inicio do procedemento: A instancia de parte.
Tipo de interesado: Persoa física ou xurídica.
Carácter silencio administrativo: Silencio positivo.
Recurso aplicable: Potestativo de reposición / Contencioso - administrativo.
Canles de atención: Telemático (Iniciar trámite).
Presencial.
