Todo interesado pode desistir dunha solicitude ou renunciar aos dereitos da mesma, cando iso non estea prohibido polo ordenamento xurídico, mediante este trámite de desistencia ou renuncia.

A desistencia consiste en abandonar a solicitude e o procedemento iniciado; a renuncia consiste en abandonar o dereito que se pretende facer valer a través dela. A desistencia limita os seus efectos ao procedemento e non á pretensión que se formula; mentres que a renuncia recae sobre a pretensión.

Coa desistencia déixase sen efectos a solicitude presentada, é dicir, dáse por non presentada dita solicitude.

A desistencia só poderá ser admitida de presentarse antes de resolverse a solicitude. Pode consultar o estado da súa solicitude accedendo ao apartado As miñas Xestións.

Preferentemente de forma telemática a través do botón "Iniciar trámite". Se o interesado non utiliza a vía telemática poderá descargar o/os impreso/s desde esta páxina ou acudir ao rexistro do Concello, onde lle facilitarán este/s impreso/s normalizado/s a presentar.